Biblioteca Ernestina Otero

17/4/16

ENDEREZOS RELACIONADOS CON MANUEL MARÍA E "OS SOÑOS NA GAIOLA"

https://www.youtube.com/watch?v=QyAz_JtZJFQ

https://www.edu.xunta.es/centros/ceipfernandezlatorre/system/files/Os%20sonos%20web.pdf

http://dedaleiraonavalon.blogspot.com.es/2015/10/a-lua-manuel-maria.html

https://www.youtube.com/watch?v=IasyAbqMFUY

http://es.calameo.com/read/00240721020c80a9166bc

https://obloguedepoesia.com/2013/10/06/recitando-campas-de-manuel-maria/

https://www.youtube.com/watch?v=9UBQcYjXo18

https://www.youtube.com/watch?v=ChSq1oi884k

http://rakontopequeno.blogspot.com.es/2016/01/venres-de-poesia-con-manuel-maria-poema.html

http://www.casamuseomanuelmaria.gal/upload/recursos/cat_3/32/animais-(manuel-maria).pdf

http://www.casamuseomanuelmaria.gal/recursos/audios/musica.htm

http://www.aelg.org/centro-documentacion/autores-as/manuel-maria/unidades-didacticas

GALICIA . "OS SOÑOS NA GAIOLA " MANUEL MARÍA

A vindeira semana celebraremos varias actividades relacionadas co Día do Libro e algunhas delas moi relacionadas xa con MANUEL MARÍA.

Este é un dos seus poemas máis significativos.

GALICIA

Galicia docemente
está ollando o mar:
ten vales e montañas
e terras para labrar!

Ten portos, mariñeiros,
cidades e labregos
cargados de traballos,
cargados de trafegos!

Galicia é unha nai
velliña, soñadora:
na voz da gaita rise,
na voz da gaita chora!

Galicia é o que vemos:
a terra, o mar, o vento...
Pro hai outra Galicia
que vai no sentimento!

Galicia somos nós:
a xente e maila fala
Se buscas a Galicia
en ti tes que atopala!

MANUEL MARÍA. “Os soños na gaiola”

16/4/16

OS RECREOS DA BIBLIO

Con moita impresión quedamos os asistentes ao concerto que tres alumnas de 3º nos ofreceron o pasado venres nos " RECREOS DA BIBLIO".

Piano, Guitarra e clarinete foron os instrumentos tocados por Laura , Lucía e Dora respectivamente.

Parabéns ! e a continuar estudando e que nos poidamos gozar diso.

Traballando coa TOPONIMIA

O mércores, pasado, desafiando aos elementos e prantando cara á chuvia, saímos a facer un percorrido por algúns barrios de Chapela.

Fixemos algunhas descubertas como os nomes xeográficos relacionados con algúns topónimos: Costeira, Fondón,..Tamén a orixe doutras palabras coma Cidadelle ou o antigo nome do barrio da nosa escola.

Ao final, tivemos sorte coa chuvia e gozamos co roteiro, organizado este polo equipo de Dinamización Lingüística do Concello.

10/4/16

CIENCIA EN MOVIMENTO.

O pasado xoves 7, o alumnado de 5º e 6º tivo a oportunidade de aprender moitsímas cousas no Museo Científico Itinerante que se achegou á escola subvencionado polo concello de Redondela.

Pasou o tempo voando porque todo era moi interesante e fíxonos reflexionar sobre a gravidade, motores, a enerxía, a temperatura, o comportamento dos líquidos ... e unha morea de cousas máis.

28/3/16

AS NOSAS MULLERES TRABALLADORAS

O alumnado de 5º e 6º estiveron a darlle voltas buscando a súa muller traballadora nun entorno próximo.

O resultado foi este precioso traballo sobre as avoas, bisavoas, nais, veciñas, coñecidas,... que nos relataron a súa historia e que quixeron compartila con nós.

Serviu tamén como reflexión sobre o traballo silencioso e esquecido das mulleres galegas que levaron adiante este país en tempos moi difíciles.

Moitas grazas por compartilo con todos e todas nós!