Hoxe é un día moi importante no que celebramos ás princesas valentes que son capaces de dicir que non. E moitas veces esas princesas capaces de dicir que non e que xa basta pagan un prezo moi alto pola súa valentía.
O libro que imos ver titulase "A princesa Non". E o seu autor é Martín Badía.A esta princesa non lle gustaba tomar o te con as outras princesas, nin poñerse vestidos enormes con lazos brillantes, nin asistir ao baile para coñecer ao seu príncipe azul nin cousas así. Un día, o rei enfádase e encérraa na torre máis alta do castelo e dille que a deixará saír cando diga sí. Pero a princesa Non, non está disposta a acatar semellante castigo.
Saber dicir que non e ser capaces de manternos nese non que sabemos que é necesario é unha das habilidades sociais máis importantes e unha capacidade que necesitamos durante toda a nosa vida. Se o tu xa sabes facelo, non perdas esa habilidade. Se aínda che custa facelo, pide axuda para aprender como incorporar esa capacidade ao teu repertorio de habilidades persoais.
