NOVIDADES

Para os lectores e lectoras máis expertos temos algunhas novidades ben divertidas e que tratan de viaxes:

ZOOM

Xa hai tempo que figura entre os nosos preferidos pero este curso traballaremos co libro"ZOOM" de Istvan Banyai editado polo Fondo de Cultura Económica de México. Resulta moi interesante como motivación para falar os diferentes puntos de vista que se poden dar das imaxes e da realidade. 

Tamén incluímos un enlace para poder velo en movemento:

http://www.youtube.com/watch?v=JMhUujrN4iU

e un slideshare:

http://es.slideshare.net/linafernandav/zoom-by-istvan-banyai

Ademais, poñemos a 2ª parte titulada "RE-ZOOM" :

http://www.youtube.com/watch?v=_qLMUkSc1WA

LIBROS DE VIAXE

Como este curso temos as maletas preparadas para viaxar, dedicarémonos a buscar libros da nosa biblioteca que falen de viaxes, camiños... 

 Atopamos un libro moi suxerente:

" CAMIÑOS SEN NOME" de Anna Castagnole da editorial OQO.

Recollido dese libro, textualmente:

" Non todos os camiños teñen nome.

Hainos nos que non hai ruído ningún"

APERTURA

O luns, 29 de setembro, a Caracola Tola abre as súas portas e sabemos moitos e moitas de vós estades esperando que pase isto. Teremos algunha sorpresa e , polo momento, vai a nosa invitación que xa fomos deixando por toda a escola. 

Quixemos poñer o logo do REFORM CLUB xa que era un lugar de discusión e debate sobre o que ocorría no mundo e os avances tecnolóxicos que se ían producindo e tendo sempre como obxectivo o noso proxecto central.

E TAMÉN... SOBRE O PROXECTO DA HORTA

Este curso estamos cun proxecto de VOZ NATURA sobre a HORTA e tamén ambientamos a entrada:

UN PEQUENO APERITIVO

O primeiro día da clase, como elemento motivador e para ambientar a entrada da escola, montamos unha pequena exposición de libros e obxectos relacionados co noso proxecto. Estas son algunhas imaxes:

UNHA DE VIAXES PARA COMEZAR...

Nalgúns cursos empezamos traballando este marabilloso libro de Mercé Sendino "VIAJES" que por medio de versos pareados fainos sentir os distintos aspectos dunha viaxe e a súa relación coas maletas.

Nalgúns cursos foron completando as posibles rimas, noutros foron inventando unha historia a partir de determinadas imaxes, outros inventaron eles mesmos algúns pareados e outros máis pequenos debuxáronse integrándose nalgunha imaxe do conto. Mostraremos máis adiante algúns deses traballos.

Motivo para o curso 2014-15

Este será o motivo central para moitos dos documentos que actualizamos cada ano e que fai referencia ao noso proxecto central: a figura de Alexandre Bóveda co tema da aprendizaxe UNHA VIAXE DE IDA E VOLTA.

O NOSO PROXECTO

Comezamos o curso cun proxecto no que está todo o centro moi ilusionado: "andaremos a voltas" cun libro de Xulio Verne "A VOLTA AO MUNDO EN 80 DÍAS" e temos xa moitas ideas para traballar nas aulas. 

Pretendemos traballar o tema da forma máis integrada posible e para iso necesitamos discusións, debates, ideas, ensaios e que non nos falte a ilusión de aprender cada curso.

Temos as maletas preparadas para emprender a viaxe e moi pronto abriremos a nosa biblioteca. Non nos chegan as horas para poñer en funcionamento todas esas actividades: a gran exposición central, os primeiros traballos, as mochilas viaxeiras, os novos carnés, as normas da biblio, os axudantes...que fan das bibliotecas lu activos e dinamizadores.

A BIBLIOTECA: UNHA VIAXE DE IDA E VOLTA

Deixamos o enlace do novo proxecto integrado do centro basado no libro: "A volta ao mundo en 80 días" de Xulio Verne.Proxecto anual Biblioteca 14-15