ENQUISAS BIBLIOTECA

Xa estamos rematando o curso e queremos saber a vosa opinión sobre a nosa Biblioteca. Queremos mellorar e facer da Biblioteca Caracola Tola un lugar de unión e convivencia de toda a Comunidade Educativa.

Lembrade que o prazo remata o venres 31 de maio.
Precimos da vosa axuda completando a seguinte enquisa para as FAMILIAS:

https://docs.google.com/forms/d/e/1FAIpQLSe1e1dPJxo8IiVfRjILAVlpoALQ2Ta-TlTzVCrsVvI1OpeatA/viewform?vc=0&c=0&w=1

É moi importante a opinión do alumnado,  e Caracola Tola tamén ten unha enquisa para vós. A faredes na clase cos profes.
Completade a seguinte enquisa para os ALUMN@S:

https://docs.google.com/forms/d/e/1FAIpQLSesjFAFul9aRchOHHWr3ypK2IH5bSauEshfz0c18iMR1rDQJg/viewform?vc=0&c=0&w=1

Moitas grazas a tod@s!!

CONTACONTOS DE CELTIA FIGUEIRAS

O pasado venres o alumnado de Infantil e 1º de Educación Primaria desfrutaron dun contacontos realizado por Celtia Figueiras. 

A actividade estivo baseada no Audiolibro "Cantamos?" do que Celtia é autora dos textos e forma parte das voces dos audiocontos que contén esta fantástica obra.

Tratouse dun espectáculo de monicreques onde Rosi, que é unha gran fan da música e dos contos, participa nunha morea de historias que encantaron ao público do noso cole: "Os tres porquiños e o lobo que os quería comer", "O marqués de Carabás un gato con botas sen igual"...

Grazas ao Consorcio editorial Galego por esta actividade!!!

VÍDEO DO CONTACONTOS DE CELTIA FIGUEIRAS!

RECREO MUSICAL

Na Biblioteca de Caracola Tola pasámolo xenial!!!

A Caracola Tola encántalle a música e por iso fixemos un concerto no recreo a semana pasada. Desfrutamos de música en directo deleitándonos da música popular  e facendo da nosa Biblioteca unha gran festa.

A profe Merce tocou a gaita e dirixíu ao grupo: Nicolás co pandeiro cuadrado, Marta e África coa pandeireta, Xiana, Adriana e Annia tocaron as cunchas, Sheila o pandeiro e Sara o pandeiro a modo de bombo. Estiveron ensaiando nos recreos as cancións "Danza de Ribadavia" e "Muñeira de Chao".  Debido ao éxito polo ben que o fixeron, improvisaron dúas cancións máis: "Foliada de Amoeiro" e "Festa na Eira".

A continuación deleitonuos ao piano Lía. Tocou de marabilla e recibíu un forte aplauso e alabanzas do entregado público.

AQUÍ ESTÁ O VÍDEO DO RECREO MUSICAL:

ANTONIO FRAGUAS FRAGUAS

Este ano conmemórase o día 17 de maio, Día das Letras Galegas,  ao autor ANTONIO FRAGUAS FRAGUAS. 

Xa temos na Biblio o noso recuncho con libros e recursos con información sobre o autor:

Para saber aínda máis, investiga na rede nestes enlaces:

• BIOGRAFÍA

• SEMINARIO GALÁN

• LETRAS GALEGAS 2019 ANTONIO FRAGUAS

• CUESTIONARIO

NOVIDADES MES DE MAIO

Xa temos as novidades deste mes de maio. Títulos tan alucinantes como: "El pequeño vampiro", "El valle de los dragones II", "Roald Dahl Los mimpins", "Quen é ese becho?", "Novo mundo", "Unha longa viaxe", "O Nicolasiño", "El capitán Gancho Pérez y los versos de Odas John"....

Pásate pola Biblio de Caracola Tola para velos!

CONTACONTOS

Onte tivemos unha actividade de contacontos realizada pola gran Sabela Gago. Primeiro tiveron os máis pequerrechos do cole, os nen@s de Infantil un conto, noutra sesión 1º, 2º e 3º de Primaria e por último 4º, 5º e 6º de Primaria. Pasámolo en grande, rimos moitísimo e gozamos das historias contadas.
Grazas Sabela por dar vida aos personaxes dos contos, compartir emocións e facer entre todos a Biblioteca viva. Grazas, tamén, á editorial Santillana por organizar esta actividade!

Esperámoste na Biblio de Caracola Tola,  Sabela! 

Ata a próxima!

Vídeo da actividade de Contacontos de Sabela Gago:

AGASALLO APADRIÑAMENTOS LECTORES

Para rematar a semana do Día do Libro que mellor forma que facendo un agasallo aos lectores do noso cole. 

O día de Apadriñamentos lectores os nenos que trouxeron un libro sobre o Proxecto, "Os Buracos", terían unha sorpresa. 

O venres pasado, tanto os padriños e madriñas, como os afillad@s recibiron un agasallo moi especial: 

Unha chapa da nosa mascota Caracola Tola.

Parabéns!!