Este ano, o Día do Libro amenceu tan bonito! Temos luz e sol e todo un día enteiro para pensar nos libros que máis nos gustan.
Pero, como é que celebramos o Día do Libro? Pois déixame que cho conte. Resulta que en 1988, a UNESCO, que é unha axencia das Nacións Unidas que traballa coa educación, a ciencia e a cultura, escolleu un día para celebrar os libros e os dereitos dos autores e como ao longo da historia moitos autores habían nado ou morto no mes de abril, pois escolleron o día 23 de abril. Así de simple!
Agora vou contarche que libro vou ler eu hoxe. Estes días atopei a miña copia da Illa do Tesouro, escrita por R. L. Stevenson. A Illa do Tesouro é unha novela de piratas publicada en 1883. De feito, é “a” novela de piratas. Vou visitar aos meus vellos amigos de hai tantos anos. O mozo e valente Jim Hawkins, que en ningún momento esquece o valor da amizade. O vello e astuto capitán John Silver o Longo, que é capaz de enganar a quen sexa necesario para lograr recuperar o seu tesouro. Por certo que debía de ter unha bonita voz, porque todos os outros mariñeiros pídenlle que cante e así aprendemos a Canción dos Quince Homes.
Direiche unha cousa, todos os piratas que viñeron despois aprenderon como ser piratas estudando as leccións o Capitán John Silver o Longo. Todos!, dende Jack Sparrow ata o Capitán Capitán Pirata. Tamén vou sorprenderme outra vez do crédulo que é o señor John Trelawney, que se cre todo o que lle conta John Silver o Longo e termina por contratar para o seu barco unha tripulación enteira de piratas… e nin se dá conta. Pódelo crer?
Que libro vas ler ti este Día do Libro? Se me deixas un comentario dicíndome que libro vas ler hoxe, entón eu tentarei de atopar unha copia para lelo eu tamén.
