Hoxe é un día moi importante no que celebramos ás princesas valentes que son capaces de dicir que non. E moitas veces esas princesas capaces de dicir que non e que xa basta pagan un prezo moi alto pola súa valentía.
O libro que imos ver titulase "A princesa Non". E o seu autor é Martín Badía.24/11/20
A importancia de saber decir que non e que xa basta
23/11/20
Mais mulleres valentes
Hoxe dedicámoslle un momento a outro grupo de mulleres valentes, nesta ocasión todas elas son mulleres galegas que abriron novos camiños.
O libro titúlase "Pioneiras, galegas que abriron camiños", é da editorial Xerais, escribiuno Anair Rodríguez e as ilustracións son Nuria Díaz. Tamén o podes atopar no Recuncho de Igualdade da biblioteca do cole.
Este libro empeza contándonos a historia de Exeria, que foi a primeira muller escritora, da que sabemos, de toda a Hispania romana. Fai xa case 2000 anos, cando Galicia chamábase Gallaecia.
Tamén nos fala de Marcela e Elisa, que foron dúas mulleres que romperon barreiras de xénero e casaron cando ninguén pensaba que dúas mulleres puideran casar e por esta razón tiveron que enfrontarse a ser perseguidas.
Así ata 12 mulleres que romperon barreiras e abriron novas oportunidades para as seguintes xeracións. Non te perdas este libro!
22/11/20
O Recuncho de Igualdade
Esta é unha semana importante. Celebramos o Día Internacional contra a violencia de xénero. Déixame que sexa máis específica: calquera violencia contra calquera xénero. Este día axúdanos a reflexionar no valor individual das persoas. No seu dereito para escoller e a ser elas mesmas.
Na nosa biblioteca atoparás unha sección moi importante: O recuncho de igualdade. Aí están os libros que nos falan de identidade, dereitos humanos e igualdade.