Abril, mes do libro

Ola!

Durante este mes estivemos celebrando "Abril, mes do libro" coa volta dos recreos musicais e con horas de ler de contacontos de 5° e 6° de primaria pola radio escolar.

Podedes escoitalos indo ao final desta entrada:

https://bibliocaracolatola.blogspot.com/2024/03/radio-na-biblio.html?m=1

Ademais, como colofón  celebramos o día do libro coa "Ruta literaria" realizada polo alumnado de 6° de primaria (en clase de valores) e do Equipo de biblioteca. 

A iniciativa foi todo un éxito xa que o alumnado gustoulle moito poder escoller o conto ao que quería ir dos seis simultáneos que había:

Aquí un resumo fotográfico do evento... noraboa ao alumnado de 6°!:

Recreos musicais

E seguimos coas actividades de "Abril, mes do libro"!

Ademáis, dos contacontos nas horas de ler (os martes e mércores) neste mes volve un clásico da nosa biblioteca... os recreos musicais!

Nestes no que o alumnado que quere (e sabe música) deleita as súas compañeiras e compañeiros nos primeiros minutos de recreo.

Moitas grazas a todos os artistas, encántanos ter a nosa biblioteca tan chea de vida!. A continuación un pequeno resumo das actuacións:

Novedades nos biblio- recreos!

 Ainda que a biblioteca estivo moi atarefada no mes de abril, non parou  de preparar actividades como as de dinamización dos recreos. 

Desta forma,  o alumnado contou cun novo reto lego, novas recomendacións lectoras (adicadas ás autoras que nos visitarán en breves co programa "Lecturas e familias") e con novos xogos de mesa que estimulan o desenvolvemento e aprendizaxe da lingua galega... animádevos a vir probalos!

 

E como non, seguimos expoñendo as novidades tanto na biblioteca como nos andares do colexio para dalas a coñecer e animarvos ao préstamo! 

Esperámosvos nos recreos!

Concurso carteis 8M

 Boas!

Durante o mes de marzo propuxemos un reto ao noso alumnado e familias:

E este foi o alumnado vencedor... noraboa polo voso traballo!

Grazas por apoiar as iniciativas da biblioteca!

Lecturas e familias: Estefanía Padullés

 Boas!

Dentro do programa "Lecturas e familias " este mércores visitou a nosa biblioteca  Estefanía Padullés, a recoñecida escritora e ilustradora a que lle dedicamos as novas recomendacións lectoras.

As familias que asistiron puideron ver en vivo como ía ilustrando unha das súas historias  mentres as contaba... toda unha experiencia!

Moitas grazas á autora,  ás familias e a Hércules Edicións por facelo posible!

Novas actividades

 Bos días!

Esta semana está sendo moi interesante no colexio xa que a empezamos e rematamos con actividades. 

O mércores prácticamente todo o alumnado acudiu á función teatral "Voa, voa" na que se mesturaban retahílas e xogos da tradición oral dunha forma cómica. Ademais,  como foi no Multiusos Piñeiral do Crego, o alumnado pudo xogar e gozar do parque. 

Moitas grazas ao Servizo de Normalización lingüística do Concello de Redondela por facelo posible. 

E o venres visitáronnos "Os Bolechas" para facer un obradoiro sobre o dano cerebral adquirido no que participaron as nenas e nenos de 1° e 2° de primaria.y 

Ata a próxima!

Homenaxe ao Hematocrítico!

Benvidos ao terceiro trimestre!

E que mellor forma de comezar aue coa visita dun novo autor,  nesta ocasión  David Rodríguez (ofunambulistacoxo@blogspot.com).

Este autor reuniuse co alumnado de Infantil (4°, 5° e 6°), 1°e 2° de primaria para ensinarlles a obra de Miguel Ángel López (El Hematocrítico) a través dun animado espectáculo de contacontos e música.

Con este acto poñemos clausura á homenaxe do incansable autor de literatura infantil que tan triste e repentinamente deixounos neste curso... grazas a Xerais por facilitarnos os recursos e a David Rodríguez por vir a nosa biblioteca!

 Esta actividade foi moi axeitada para o "Día Internacional do Libro Infantil e Xuvenil" no que se busca fomentar os bos libros de lectura entre os máis cativos, coincidindo co nacemento do escritor danés Hans Christian Andersen (ó 2 de abril de 1805).

Ata pronto!