O alumnado voluntario da nosa biblioteca (alumnado de 5º e 6º) compartiu lecturas terroríficas co alumnado de infantil, 1º e 2º. Creo que todos hoxe o pasaron xenial.
Grazas voluntarios da biblio, esperamos que nos sigades agasallando con este tipo de actividades durante todo o curso.
Por aquí as imaxes do día.
No cole de Angorén xa cheira a Samaín... A zona anexa a nosa biblio parece un auténtico salón do terror. Esperemos que ningún neno pase medo.
Aí tedes a nosa recomendación de lecturas de Samaín, non volas perdades, xa que un ratiño de lectura sempre é beneficioso para todos.
Deixovos as fotos para que poidades comprobalo por vos mesmos.
Comeza un novo curso, e outro ano máis ponse en marcha a biblioteca. Hoxe, 24 de outubro e coincidindo coa celebración do día das “Bibliotecas Escolares” damos por inaugurada un ano máis a nosa biblioteca.
Mais non ía ser tan doado, para iso, todo o alumnado do centro, organizados en grupos multiniveis, tiveron que facer un xincana e superar diferentes probas, e non eran probas sinxelas eh. Pero unha vez máis, o alumnado, dando mostra do compañeirismo, participando todos en equipo e grazas as súas dotes para resolver problemas, TODOS conseguiron chegar ao destino: A NOSA BIBLIOTECA.
Alí, fíxose entrega das mochilas viaxeiras.
Así que agora sí, BENVIDOS A BIBLIOTECA DO CEIPP ALEXANDRE BÓVEDA.
Deixámosvos unhas fotos do día de hoxe.
