Festival Internacional de Títeres de Redondela

Ola!

Coma todos os cursos o alumnado do CEIPP Alexandre Bóveda participamos no "Festival Internacional de títeres de Redondela", acudindo tanto ao Multiusos Piñeiral do Crego (en Chapela) como o Multiusos A Xunqueira (en Redondela) e foi unha experiencia moi satisfactoria!

*"Colgando dun fío" por Di Fillipo Marionetas

*"Variatés do animalario" por Paporrubio:

Encántanos que o noso Concello organice un festival tan chulo e esperamos poder seguir participando moito tempo!

Espallar tinta, Lectura na rúa

 Ola!

Á biblioteca Ernestina Otero gústanos apoiar as iniciativas doutras bibliotecas e por iso, outro ano máis, participamos na feira "Espallar tinta " (organizado polo CEIP de Cedeira) e a xornada de "Lectura na rúa" (organizado pola biblioteca do CEP Santa Mariña).

Estas experiencias  son motivadoras e significativas para o alumnado posto que coñecen nenas e nenos doutros centros compartindo lecturas e creacións escritas así que... moitas grazas aos centros organizadores por convidarnos!

Stands de 1° ciclo e Infantil de "Espallar tinta"

Alumnado de 2° e 3° compartindo lecturas en "Lectura na rúa"

Premios concursos de Radio!

 Moi boas!

Estas semanas entregáronse os premios dos concursos de Radio Beretiño dentro do plan Radio na biblio:

Para iso, 5° e 6° de primaria tiveron que facer o reconto e revisión das papeletas do concurso e preparar os agasallos:

E así de felices quedaron as afortunadas e afortunados do resto de grupos! Noraboa ás premiadas e premiados!

Biblio creativa: primeiros obradoiros!

Boas!!

Este curso repetimos no programa "biblio creativa " na que o alumnado desenvolve diferentes dotes artísticas. 

Ls primeiros obradoiros que realizaron son os seguintes:

- MÁNDALAS DE LÁ ("Landalas"): Alumnado de Educación Infantil e primaria coa profe Maribel 

- PATCHWORK: Alumnado de educación Primaria coa profe Elena.

Saúdos!

Retos Lego!

Moi boas!

Algunhas nenas e nenos atrevéronse cos retos Lego que lles propoñémos facer nos recreos!

Pronto recibiredes un agasallo por cooperar coa biblioteca! Saúdiños!

Abril, mes do libro

Ola!

Durante este mes estivemos celebrando "Abril, mes do libro" coa volta dos recreos musicais e con horas de ler de contacontos de 5° e 6° de primaria pola radio escolar.

Podedes escoitalos indo ao final desta entrada:

https://bibliocaracolatola.blogspot.com/2024/03/radio-na-biblio.html?m=1

Ademais, como colofón  celebramos o día do libro coa "Ruta literaria" realizada polo alumnado de 6° de primaria (en clase de valores) e do Equipo de biblioteca. 

A iniciativa foi todo un éxito xa que o alumnado gustoulle moito poder escoller o conto ao que quería ir dos seis simultáneos que había:

Aquí un resumo fotográfico do evento... noraboa ao alumnado de 6°!:

Recreos musicais

E seguimos coas actividades de "Abril, mes do libro"!

Ademáis, dos contacontos nas horas de ler (os martes e mércores) neste mes volve un clásico da nosa biblioteca... os recreos musicais!

Nestes no que o alumnado que quere (e sabe música) deleita as súas compañeiras e compañeiros nos primeiros minutos de recreo.

Moitas grazas a todos os artistas, encántanos ter a nosa biblioteca tan chea de vida!. A continuación un pequeno resumo das actuacións: