SAMAÍN - HALLOWEEN 2022

 A CaracolaTola propuxo unhas recomendacións terroríficas para estas festas!!

Atentos e atentas aos libros que saen do caldeiro e ascenden como burbullas!!

DÍA DAS BIBLIOTECAS 2022

O 24 de outubro, DÍA DAS BIBLIOTECAS, foi un día moi especial no noso cole, xa que inauguramos a Bilioteca da Caracolatola para este curso escolar 2022-2023.

Todo o alumnado aproveitou a xornada para descubrir os rincóns da nosa biblio. Libros, libros e máis libros... Pero tamén ordenadores para buscar información, legos e robots, xornais, espazo sensorial e moito máis!

Na biblioteca apareceu unha cesta MasterCeip misteriosa cun candeado... menos mal que temos un alumnado que é quen de enfrontarse e superar todos os retos...conseguimos o código, abrimos a cesta e atopamos un montón de vitaminas de lectura!!

Agora seguro que temos enerxía dabondo para ler!! 

PASAPORTE LECTOR INFANTIL

 Durante o curso 2021/2022 o alumnado de infantil aproveitou o préstamo da Biblioteca Caracola Tola para cubrir o seu pasaporte lector.

Cada semana escollían o conto que querían e anotaban o título e data.

Á volta do fin de semana contábannos se lles gustou o non, que pasaba na historia, as personaxes...

Cun debuxo como apoio visual que se foron colocando na clase ou gardando como libro.

 Na biblio da Caracola Tola 

 non nos esquecemos do Día do Cómic.

Cada titoría elaborou a súa propia creación!

Agora temos un espazo na nosa biblio adicado aos cómics, con curiosidades,

moitos exemplares e unha exposición das produccións do alumando, a aproveitalo!!!

FORMACIÓN RADIO NA BIBLIO

 O alumnado de 5º de Primaria, acudíu o xoves día 28 de abril a  Radio Vigo .

Foi unha visita na que houbo un traballo previo no centro e na que todos crearon un programa de radio.

Alí, tivemos a oportunidade de grabar unha cuña para a promoción do noso centro e ademáis, coñecer as diferentes instalacións.

Posteriormente, baixamos a  TeleVigo , onde disfrutamos vendo o set de control e como se crea a pragramación dunha canle de televisión. 

Ademáis, gozamos moito facendo preguntas e sendo os presentadores dun telexornal!!

ABRIL, MES DO LIBRO (2022)

 Neste mes tan especial para as bibliotecas leváronse a cabo actividades no exterior do cole para todo o alumnado.

Grazas a especialista de música e a voluntariedade dalgúns nenxs fixeron

"RECREOS MUSICAIS", con grandes actuacións para o resto do cole!!🙌

Ademáis xs nenxs de 5º crearon uns CONTACONTOS fantásticos cunha posta a punto única. Como nos gusta celebrar e compartir!

😀Grazas a todxs por esa gran colaboración😀

Culminamos o mes coa celebración polo "Día do Libro" coa proposta

"Enfeitízate coa lectura",

moi relacionado co noso proxecto deste ano "Galicia Máxica".

Así todo o alumnado do cole fixo recomendacións lectoras en pócemas máxicas para enfeitizarnos coa lectura de diferentes contos.

Encántanos compartir gustos e ver o cole coas nosas propostas.👏

YAYOI KUSAMA NA BIBLIO CARACOLA TOLA

 A Caracola Tola convidou á biblio a unha artista mondaricense que presentounos a obra de 

Yayoi Kusama. 

Achegounos ao mundo da arte a través dun conto que presenta a vida e obra desta artista.

Despois fixemos un trivial cun dado que propoñía diferentes retos e preguntas sobre a mesma para poder gañar un montón de círculos de cores cos que creamos o recuncho na biblio da Caracolatola representando unha verdadeira obra de arte.

Tamén levouse a cabo un bingo de formas e unha manualidade con material de refugallo creando á propia Yayoi Kusama.