Homenaxe ao Hematocrítico!

Benvidos ao terceiro trimestre!

E que mellor forma de comezar aue coa visita dun novo autor,  nesta ocasión  David Rodríguez (ofunambulistacoxo@blogspot.com).

Este autor reuniuse co alumnado de Infantil (4°, 5° e 6°), 1°e 2° de primaria para ensinarlles a obra de Miguel Ángel López (El Hematocrítico) a través dun animado espectáculo de contacontos e música.

Con este acto poñemos clausura á homenaxe do incansable autor de literatura infantil que tan triste e repentinamente deixounos neste curso... grazas a Xerais por facilitarnos os recursos e a David Rodríguez por vir a nosa biblioteca!

 Esta actividade foi moi axeitada para o "Día Internacional do Libro Infantil e Xuvenil" no que se busca fomentar os bos libros de lectura entre os máis cativos, coincidindo co nacemento do escritor danés Hans Christian Andersen (ó 2 de abril de 1805).

Ata pronto!

Radio na biblio

 Que tal?

Este curso continuamos no programa "Radio na biblio" dentro do cal 5° e 6° de primaria poñen en funcionamento "Radio Beretiño".

A radio é unha actividade moi chula na que o alumnado fai diferentes tarefas:

1. Definir o programa decidindo que seccións queren incluír.

2. Escribir o guión de cada programa para logo practicar a súa lectura.

3. Gravar o programa na radio e despois editalo cortando as partes en que non quedaron tan ben e engadindo as músicas necesarias.

4. Facer o reconto das respostas do Concurso e sortear os premios. Tamén comproban cánto gustou a recomendación musical. 

5. Despois gravan o programa anunciando os premios. 

E tras todo ese traballo aquí están os dous primeiros programas deste curso:

Programa de 5º de primaria:

Programa de 6º de primaria: 

Ademais, tamén empregamos a radio para preparar "Abril, mes do libro" e gravamos un contos que serán postos nas horas de ler de abril... click enriba do título para que se abra a ligazón e poder escoitalos:

• A vaca que puxo un ovo de Andy Cutbill
• A casa encantada de Sara Powell
• Onde viven os monstros de Maurice Sendak
• Carabuñas de Margarita del Mazo e Charlotte Pardi
• Ciudad riquísimo  de Andrés Pérez Coello
• Como mola tu escoba de Julia Donaldson
• Marcelina en la cocina de Gracia Iglesias

Un saúdiño!!

Nova visita á Biblioteca: Uxía Morán!

Ola a todos!

O venres 22 de marzo tivemos unha nova visita do programa "Lectura e familias " que foi todo un éxito, Uxía Morán. 

A convocatoria foi todo un éxito e a rapazada (e as súas familias) pasárono moi ben cia autora coñecendo libros e dramatizando.

Grazas a Uxía Moràn por permitirnod g8zar na nosa Biblioteca!

Acabade ben as vacacións e vémonos moi pronto!

Novidades e clube de ciencia

Ola!

Como boa biblioteca en Ernestina Otero non paramos de recibir novidades e, para que o alumnado esté enterado, están expostas polos corredores do colexio (ademais de estar no recuncho específico da biblioteca).

Como podedes observar,  moitas das novidades teñen que ver con bioloxía, astronomía, física... é así porque no noso cole hai moito alumnado que participa gustosamente no Clube de ciencia... sabedes que é?

O Clube de ciencia son xuntanzas mensuais polas tardes na que o alumnado reforza dunha forma lúdica e experimental os contidos das súas clases de naturais, sociais e matemáticas... a eles encántalles!

Fotos

Ata a próxima!

 

Poetízate!

Moi boas!

Para o día da poesía a Biblioteca levou aos recunchos lectores repartidos polo centro obras poéticas e información dalgunhas importantes poetisas galegas para animar ao alumnado coa iniciativa: poetízate!

 Esperamos que o noso alumnado goce da poesía nos seus momentos de lectura. 

E para celebrar unha data tan bonita tivemos na nosa biblioteca a XABIER DOMÍNGUEZ, o autor de Miquits, itinerario lector de 3° e 4° de primaria.  Escritor e alumnado intercambiaron experiencias sobre a lectura e asinaron os seus exemplares... moitas grazas ao artista e ao "Consorcio Editorial Galego" por facer posible esta visita!

Para despedirnos deixamos algunhas fotiños:

Obradoiro :O monstro de cores"

Olaa!

O venres pasado a Biblioteca impulsou un contacontos para nenas e nenos nacidos no 202021. A actividade consistiu nun obradoiro baseado no famoso conto O monstro de cores de Anna Llenas e as cativas e cativos que acudiron pasárono xenial experimentando coas cores e as emocións.

Velaquí unha pequena mostra do realizado:

 Alegría 

Rabia

Tristeza 

Medo

Calma

Moitas grazas por participar!

8M, sementando pensamentos de igualdade

Bos días!

Nunha data tan sinalada como o 8M non podíamos deixar de reunirnos e compartir os nosos traballos e desexos de igualdade. Cada clase realizou un pequeno discurso en prol da igualdade e decorou unha maceta cun Pensamento de cor violeta.

 E así lucen os nosos pensamentos de igualdade xunto aos carteis que estades traendo pouquiño a pouco... moitas grazas!